En Reverso Comunicación somos especialistas na xestión de proxectos de tradución e revisión lingüística.
Que che ofrecemos
Persoas tituladas en tradución: profesionais cunha longa traxectoria de traballo que teñen a titulación en Tradución e Interpretación.
Experiencia: traballamos con profesionais cun amplo percorrido, que levan anos colaborando connosco.
Eficiencia: ofrecémosche un produto de calidade, e nun prazo axustado, para responder con celeridade ás túas necesidades.
Tradución
Se precisas que o teu texto estea en varias linguas, consúltanos.
Somos especialistas en traducións na combinación lingüística galego>castelán, castelán>galego. E contamos cunha rede de colaboradores para inglés, alemán, francés e portugués, entre outros.
Envíanos o teu texto e farémosche un presuposto á medida e sen compromiso.
Tradución xurada
Se precisas presentar unha escritura, un certificado, un expediente académico, etc. en calquera administración pública, a tradución debe ser oficial.
En Reverso Comunicación traballamos con profesionais da tradución xurada en varios idiomas, acreditados polo Ministerio de Asuntos Exteriores e Cooperación.
Consulta os nosos prazos.
Localización
Localizamos para ti a túa publicidade ou a túa páxina web. Adaptamos a mensaxe que queres transmitir para que se entenda no ámbito ao que queres chegar. Somos especialistas en:
-
Educación. Traducimos libros de texto de todas as materias, teses, artigos para revistas de investigación, etc.
-
Xurídica. Colaboramos con especialistas en dereito para a tradución de contratos, escrituras de constitución e compravenda, etc.
-
Comercio electrónico. Traducimos a túa web ou a túa tenda en liña para que os teus produtos e servizos cheguen ata o último recuncho do mundo.
Revisión lingüística
Somos especialistas en lingua galega e castelá. Facemos correccións de probas editoriais, de estilo, de maqueta e revisión lingüística completa. Traballamos sobre distintos formatos e tipos de arquivo.
Consultoría
Traballamos contigo na creación da guía de estilo para unha linguaxe administrativa clara. Axudámosche a elaborar modelos de documentos cun deseño moderno e sinxelo.
